"Тоттенхэм" Кейнга янги шартнома таклиф қилди, бироқ...

"Тоттенхэм" раҳбарияти жамоа сардори Харри Кейн билан янги шартнома имзолашга тайёр. The Guardian нашри хабарига кўра, "шпорлар" ҳужумчига маоши сезиларли даражада оширилган шартнома таклиф қилган. Таъкидлаш керакки, ҳозир инглиз футболчиси ҳафтасига 200 минг фунт маош олади.

Клуб ҳамон ўзининг энг яхши тўпурарини сотишни истамаяпти. Раҳбариятнинг фикрича, Кейннинг ўзи охир-оқибат қолиш яхшироқ деган хулосага келади ва шунинг учун у трансфер масаласида бошқа клублар билан музокаралар олиб бормаяпти.

Кейн ҳеч бўлмаганда трансфер ойнаси ёпилмагунча "Тоттенхэм" билан янги шартнома имзоламоқчи эмас. Шартномани узайтириш варианти бор, лекин бу энг кам эҳтимол эканлиги таъкидланмоқда. Катта эҳтимол билан футболчи шу ёзда ё пул учун кетади ёки 2024 йилда текинга кетади.