"Тоттенхэм" "Реал"га кетиши кутилаётган Почеттинонинг ўрнига муносиб номзод топиб қўйди

Лондоннинг "Тоттенхэм" клуби "Наполи"нинг собиқ устози Маурицио Саррига қизиқиш билдира бошлади. Бу ҳақда Football Italia нашри хабар тарқатмоқда.

Юқориги манбаанинг ёзишича “шпорлар” “Реал”га ўтиши кутилаётган бош мураббийи Маурисио Почеттинонинг ўрнига айнан 59 ёшли италиялик мутахассиснинг номзодини кўриб чиқмоқда.

Эслатиб ўтиш лозимки, Саррини даставвал Лондоннинг бошқа бир клуби – “Челси” ўзига жалб этишни режалаштираётган эди. Бироқ, “аристкратлар” тажрибали мутахассис учун “Наполи”га 8 млн евро товон пулини тўлашни исташмаяпти.