"Тоттенхэм" устози бир сирни очди...

Лондоннинг "Тоттенхэм" клуби бош мураббийи Анж Постекоглоу жамоаси англиялик ҳужумчи Айван Тонини трансфер қилиш вариантини кўриб чиққанини тан олди.

Эслатиб ўтамиз, 28 ёшли футболчи охир-оқибат “Брентфорд”дан Жидданинг “Ал-Аҳли” клубига кўчиб ўтди.

"Шпорлар" эса ҳужумчи танлашда Доминик Соланке вариантини маъқул кўришди. Ушбу трансфер эса клубга тахминан 70 миллион еврога тушди.

"Биз Айван вариантини ҳам кўриб чиқдик, аммо мен Доминик "Тоттенхэм"да ўйнашни хоҳлардим. Соланкени олиш учун узоқ вақт керак бўлди. У керакли профилга мос келадиган футболчи ҳисобланади”, - деди Постекоглоу матбуот анжуманида.