"Тоттенхэм" ва "Сити" "Ливерпуль" юлдузини талашяпти

«Ливерпуль» ҳужумчиси Коди Гакпо ёзги трансфер бозорининг энг қизиқарли фигураларидан бирига айланди. Унга бир вақтнинг ўзида Англия премьер-лигасининг икки гранди – «Тоттенхэм» ва «Манчестер Сити» даъвогарлик қилмоқда.

 Бу ҳақда журналист Мунир Буалин ижтимоий тармоқларда хабар берди.

Маълумотларга кўра, «Тоттенхэм» аллақачон Гакпо учун тахминан 60 миллион фунт атрофида таклиф йўллаган. 

Бироқ «Ливерпуль» бу миқдорни етарли деб ҳисобламай, нидерландиялик вингерни бундай суммага қўйиб юборишдан бош тортган. Энди лондонликлар янги, яхшиланган таклиф устида иш олиб бораётгани айтилмоқда.

Шу билан бирга, яқин кунлар ичида «Манчестер Сити» ҳам Гакпо бўйича расмий таклиф киритишни режалаштираётгани маълум қилинди. 

Шу тариқа, голландиялик футболчи учун трансфер кураши янада кескинлашиши кутилмоқда.