"Тоттенхэм" хўжайини нега Кейнни сотиб юбормоқчи?

"Тоттенхэм" хўжайини Жо Льюис, агар ҳужумчи Харри Кейн шартномасини узайтирмаса, уни сотиб юбормоқчи.

Клуб эгаси 29 ёшли англиялик футболчини келаси мавсум якунида, эркин агентга айланганда текинга қўйиб юбориш ниятида эмас, деб ёзади Daily Mail.

"Тоттенхэм" президенти Дэниэл Леви эса Кейнни 100 миллион фунтга баҳоламоқда. Аммо Лондон клубининг ўзи Харрига ҳафтасига 400 минг фунт стерлинггача маоши кўтариладиган янги шартнома таклиф қилиб, уни таркибда сақлаб қолишга ҳаракат қилмоқда.

"Тоттенхэм" аллақачон "Бавария"нинг Кейн бўйича иккита таклифини рад этган. Мюнхен клуби эса учинчисини тайёрламоқда. Шунингдек, "Манчестер Юнайтед" ҳам ҳужумчи учун курашга қўшилиши мумкин.