"Тоттенхэм"нинг собиқ ҳужумчиси янги мавсумни "Манчестер Юнайтед"да бошлаши мумкин

"Манчестер Юнайтед" клуби испаниялик ҳужумчи Фернандо Льорентега жиддий қизиқиш билдира бошлади. Бу ҳақда италиялик журналист Жанлуки Ди Марцио хабар тарқатмоқда.

Юқоридаги манбаага кўра “қизил иблислар” 34 ёшли футболчини жамоадан кетиши кутилаётган Ромелу Лукаку ўрнига муносиб ўринбосар сифатида қарашмоқда.

Эслатиб ўтамиз, Льорентенинг сўнгги жамоаси “Тоттенхэм” клуби бўлган эди. Жорий ёз унинг “шпорлар” билан шартномаси якунланди ва у айни дамда эркин агент ҳисобланади. Унга шунингдек “Рома”дан ҳам қизиқишлар мавжуд.

Маълумот учун, Льоренте ўтган мавсум 35та ўйинда майдонга тушди ва ўз ҳисобига 8та гол ҳамда 5та голли узатма ёздириб қўйишга эришди. У шунингдек "Атлетик", "Ювентус", "Севилью" ва "Суонси" жамоаларида ҳам тўп сурган.