Тотти: "Реал"га ўтишим учун фақат имзо етишмаган эди"

"Рома"нинг афсонавий собиқ футболчиси Франческо Тотти 2004 йилда "Реал Мадрид"га деярли ўтиб кетай деган палласини эсга олди.

"Реал"га ўтиб кетишимга фақат битта нарса — менинг имзом етишмаган эди. Лекин менинг ўрнимга юрагим қарор қилди", — дея эсга олди италиялик ярим ҳимоячи.

Маълумот ўрнида, Франческо Тотти "Рома" сафида 785 та ўйин ўтказиб, 307 та гол урган ва 205 та голли узатмани амалга оширган. Италиялик футболчи 2017 йилда профессионал фаолиятини якунлаган. 

Эслатиб ўтамиз, яқинда Антонио Кассано айнан "Реал"га ўтишдан бош тортгани учун Тоттини "аҳмоқ" деб атаган эди.