Transfermarkt Ўзбекистон Суперлигасидаги нархлари ўзгарган футболчиларни эълон қилди

Transfermarkt Ўзбекистон Суперлигасида футболчиларнинг бозор қийматини янгилади. Янгиланишдан кейин айрим ўйинчиларнинг нархи кескин ошган бўлса, бошқаларининг қиймати пасайди.

Энг кўп қимматлашган футболчи Достон Ҳамдамов бўлди. Унинг трансфер баҳоси 300 минг еврога ошиб, 900 минг еврога етди.

Шунингдек, Фламарион ва Чинедунинг нархи 200 минг еврога кўтарилди. Хушвахтовнинг нархига эса 175 минг евро қўшилди.

Нархи энг кўп тушган футболчи эса Ҳожимат Эркинов бўлди. Унинг бозор қиймати 300 минг еврога пасайиб, 1 миллион еврони ташкил қилди.

Хуршид Ғиёсов 250 минг евро йўқотган бўлса, "Динамо" футболчиларининг трансфер баҳоси 200 минг еврога камайди.