Трент Александер-Арнольд "Реал"ни тарк этиши мумкин. Сабаби ҳам маълум!

Мадриднинг "Реал" жамоаси ҳимоячиси Трент Александер-Арнольд яқин вақтларда клубдан кетиши мумкин. Бу ҳақда "El Nacional" хабар бермоқда.

Манбага кўра, "қаймоқранглилар" бош мураббийи Альваро Арбелоа англиялик футболчини келажакда ҳисобга олмаслигини маълум қилган. Мураббий ва Трент ўртасида ўтказилган суҳбатда Арбелоа аниқ қилиб айтганки, футболчи унинг режаларига кирмайди ва унга янги жамоа қидиришини маслаҳат берган.

Эслатиб ўтсак, аввалроқ Александер-Арнольд "Реал"да майдонга чиқиш имконияти билан норозилик билдиргани хабар қилинган эди. 27 ёшли футболчи Мадрид клуби билан 2025 йил ёзда шартнома имзолаган ва "Реал" шарафини ҳимоя қилиб, 16 та ўйинда 3 та голли узатма амалга оширган. Ҳозирда Трентнинг клуб билан амалдаги шартномаси 2031 йилгача мўлжалланган.