Трент "Реал" бўйича якуний қарорга келди

Мадриднинг «Реал» жамоасида тўп сураётган ўнг қанот ҳимоячиси Трент Александер-Арнольд ҳозирча жамоанинг доимий асосий ўйинчисига айланмаган.

28 ёшли футболчи жорий мавсумда майдонда жами 344 дақиқа ўйнашга улгурди, холос. Жозе Моуриньо уни асосий таркибда бор-йўғи тўрт марта майдонга туширган. 

Шунга қарамай, журналист Гильермо Раи маълумотича, англиялик ҳимоячи жамоани тарк этишни ўйлаётгани йўқ. У ўзини хотиржам ҳис қилмоқда ва асосий таркиб учун курашишга тайёр.

Александер-Арнольднинг «Реал» билан амалдаги шартномаси 2031 йил ёзигача мўлжалланган. Transfermarkt портали баҳосига кўра, футболчининг трансфер қиймати 60 миллион еврони ташкил этади.