Трой Дини: "Фликнинг "Барселона"си Чемпионлар лигасини юта олмайди"

Собиқ ҳужумчи Трой Дини "Барселона"нинг ҳозирги ўйин услуби билан Чемпионлар лигасида ғолиб бўлишига ишонмаслигини айтди.

Унинг фикрича, Ханс-Дитер Флик жамоаси ҳимояда ҳаддан ташқари катта таваккал қилади ва рақибларга жуда кўп имкониятлар тақдим этади.

"Улар Флик қўл остида Чемпионлар лигаси каби турнирни ҳеч қачон юта олмайди. Уларнинг ўйин услуби ҳимояда ортиқча риск қилишга мажбур қилади ва рақибларга жуда кўп вазиятлар беради.

Бундай даражада бунча кўп нарсага йўл қўйиб бўлмайди. Шундай ўйин билан Чемпионлар лигасини юта олишмайди", — деди Дини.

Эслатиб ўтамиз, "Барселона" мусобақа чорак финалида "Атлетико"га икки ўйин натижасига кўра, 2:3 ҳисобида мағлуб бўлиб, турнирни тарк этди.