ЦСКА "Манчестер Юнайтед"нинг собиқ футболчисини жамоага таклиф қилмоқчи

ЦСКА клуби бош директори Роман Бабаев 18 май куни бўлиб ўтадиган гала-учрашув ҳақида ва унга таклиф этилган юлдузлар рўйхати хусусида фикр билдирди.

Мазкур ўйин ЦСКАнинг 2005 йилда УЕФА кубогида қозонган тарихи ғалабасига 20 йил тўлиши муносабати билан ташкил этиляпти. Шу муносабат билан мухлислар орасида собиқ "Манчестер Юнайтед" ва "Спортинг" вингери Нани Россияга келиши мумкинлиги ҳақида саволлар пайдо бўлди.

— Ҳозирда биз кўриб чиқаётган кенг рўйхат бор ва Нани ҳам унда мавжуд. Лекин биз мухлислар ва матбуотни адаштирмаслик учун фақат аниқ кафолатлар бўлганда, яъни барча келишувлар ва чипталар ҳал бўлганида, футболчиларнинг келишини расман эълон қиламиз, – деди Бабаев.

— Демак, Нани билан алоқада бўлгансизлар?

— Ҳа, – деб тасдиқлади ЦСКА бош директори.

Эслатиб ўтамиз, Нани 2005 йилда ЦСКАга 1:3 ҳисобида ютқазган "Спортинг" жамоаси аъзоси бўлган. Ўшанда россияликлар УЕФА кубогини қўлга киритган эди.