TsSKA ustozi Fayzullaevning sariq kartochka olgani haqida gapirdi
Rossiya Premer ligasining 24-turidan o‘rin olgan TsSKA - "Axmat" bahsi bo‘lib o‘tdi. Uchrashuv mehmonlarning 2:1 hisobidagi g‘alabasi bilan yakunlandi.
O‘yinni asosiy tarkibda boshlagan Abbosbek Fayzullaev 7-daqiqada raqibning qarshi hujumini to‘xtatib qoldi va sariq kartochka bilan jazolandi. Bu hamyurtimiz uchun chempionatdagi 4-ogohlantirish bo‘ldi va navbatdagi "Spartak"ka qarshi bellashuvni o‘tkazib yuboradi. Hamyurtimiz 63-daqiqada zaxiraga olindi.
Bellashuvdan so‘ng matbuot anjumanida jurnalistlar tomonidan Fedotovga Fayzullaev haqida savol berildi.
Fayzullaev ettinchi daqiqadayoq sariq kartochka oldi. Unda 3 ta sariq kartochka bor edi. O‘yindan oldin unga ehtiyot bo‘lish haqida tayinlaganmidingiz?
"Biz har doim bunday narsalarni nazorat qilamiz, futbolchilarga imkon qadar kartochka olmasligingizni tushuntiramiz. Lekin maydonda hamma narsa bo‘lishi mumkin. Har qanday futbolchi kurashga kirishganda hamma narsani unutadi", - dedi "armiyachilar" ustozi.
Fikrlar