Тунис мураббийи: "Бундай мағлубият билан бошлаш оғриқли"

Тунис терма жамоаси бош мураббийи Сабри Лямуши Жаҳон чемпионатининг биринчи турида Швециядан учралган йирик мағлубият (1:5) ҳақида фикр билдирди.

Мутахассис турнирни бундай натижа билан бошлаш жамоа учун оғир зарба бўлганини таъкидлади.

"Бу оғир мағлубият. Турнирни шунчалик йирик ҳисобдаги мағлубият билан бошлаш жуда оғриқли.

Биз жуда кўп хатоларга йўл қўйдик. Швеция ҳужумчилари каби жаҳон даражасидаги футболчиларга қарши бундай хатолар кечирилмайди", — деди Лямуши.

Эслатиб ўтамиз, мазкур учрашувда Швеция ҳужумчилари Александер Исак ва Виктор Дьёкереш биттадан гол урди. Дьёкереш яна бир голли узатмани амалга оширган бўлса, Исак икки марта жамоадошларининг гол уришига ёрдам берди.

Ушбу ғалабадан кейин шведлар гуруҳдаги ҳолатини яхшилаб олган бўлса, Тунис кейинги турларда вазиятни ўнглашга ҳаракат қилади.