Туркия Суперлигаси. Ҳамюртларимизга аталган учрашувда "Истанбул Башакшеҳир" ғалабага эришди
Туркия Суперлигасинигн 14-туридан ўрин олган навбатдаги беллашув ўз ниҳоясига етди. Ушбу тур доирасида Нури Шахин мураббийлигидаги "Истанбул Башакшеҳир" сафарда "Касимпаша" билан куч синашиб, 3:1 ҳисобида ғалаба қозонди. Элдор Шомуродов баҳсни тўлиқ ўтказган бўлса, Аббосбек Файзуллаев 78-дақиқада захирага олинди.
Беллашувнинг 26-дақиқасида Файзуллаев жарима зарбасидан супер гол уриб, ҳисобни очишга муваффақ бўлди. Биринчи бўлимга қўшиб берилган дақиқаларнинг тўртинчиси ўтиб бораётганда Амин Арит фарқни 2 тага етказиб қўйди. Лекин 79-дақиқага келиб Адам Арус ҳисобни қисқартиришга эришди. Мазкур голдан 4 дақиқада аввал Дэви Зельке қизил карточка олиб майдонни тарк этган эди. Бундан ташқари, 90+7-дақиқада Элдор Шомуродов жамоасининг учинчи голига муаллифлик қилди.
Маълумот ўрнида, "Башакшеҳир" ушбу ғалаба орқали очколар сонини 16 тага етказиб олиб, 9-ўринга кўтарилди.
- Турция - Супер Лига
- Regular Season
Касимпаша
- Adem Arous 79'
29.11.2025 22:00
Истанбул Башакшехир
- Abbosbek Fayzullaev 26'
- Amine Harit 45'
- Eldor Shomurodov 90'
Фикрлар