Туркманистон ва Қирғизистондан келган мураббийлар ОКМКда амалиёт ўташмоқда
Хабарингиз бор, ОКМК профессионал футбол клуби ва қўшни давлат жамоалари ўртасида футболни ривожлантириш йўлида кенг қамровли ҳамкорлик муносабатлари ўрнатилган.
Ману шундай ҳамкорликнинг навбатдаги босқичи Олмалиқ шаҳрида бўлиб ўтмоқда. Хусусан, Қирғизистон вакили, яъни Асилбек Момунов номидаги футбол академияси мураббийи Назимбек Кошоков ҳамда Туркманистоннинг "Аҳал" жамоасида фаолият юритаётган Эзиз Аннамуҳаммедов айни кунларда Миржалол Қосимов бошчилигидаги мураббийлар штаби қўл остида амалиёт ўташмоқда.
Шуни алоҳида таъкидлаш жоизки, қирғизистонлик Назимбек Кошоков айнан ОКМК профессионал футбол клуби ва Асилбек Момунов номидаги футбол академияси ўртасида имзоланган меморандумга биноан ОКМК жамоаси базасига ташриф буюрди.
Қирғизистон ва туркманистонлик мураббийлар амалиёти 3 сентябрдан 13 сентябрга қадар давом этади. Бу жараёнда улар янги ёндашувлар асосида футболчилар билан ишлаш ва шунга доир методикаларни ўрганиб, ўзлари учун фойдали бўлган стратегияларни ўзлаштириш имкониятига эга бўлишади.
ОКМК матбуот хизмати.
Фикрлар