"Турон" ганалик ҳужумчисидан воз кечадими?

Суперлига дебютанти – “Турон” клуби мавсум аввалида таркибига бир қатор тажрибали ўйинчилар билан бирга легионерларни ҳам таклиф қилди. Бироқ ҳозирги вазиятга келиб жамоа шарафини ҳимоя қилаётган хорижлик ўйинчиларнинг барчаси ҳам кутилган ўйинни кўрсатаётгани йўқ.

Ганалик ҳужумчи Кваме Карикари “Турон”га катта умидлар билан таклиф қилинганди. Аммо sports.uz олган маълумотга қараганда, тез орада ушбу легионернинг жамоани тарк этиши кутилмоқда.

Карикари “Турон” сафида Суперлига доирасида бешта учрашувда майдонга тушди. Гарчи ҳужумчи бўлишига қарамасдан у гол ура олгани йўқ. “Турон”нинг охирги ўйинларида эса Карикари ҳаттоки қайдномага ҳам киритилмаяпти.

Яқинда “Турон” мураббийи Мурод Исмоилов sports.uz сайтига берган интервьюсида ганалик ҳужумчи борасида адашишганини айтганди.