U-17 ЖЧ. Саидов биринчи турда хет-трик қилган Думбияга етиб олди

Индонезияда 17 ёшлилар ўртасида бўлиб ўтаётган Жаҳон чемпионатининг 3-тур учрашувлари бошланди. "B" гуруҳидан ўрин олган жамоалар ўз ўйинларини ўтказиб бўлди. Ўзбекистон Испания билан дуранг ўйнаган бўлса, Мали Канадани йирик 5:1 ҳисобида таслим қилди. 

Ўзбекистон - Испания учрашувининг 53-дақиқасида Собиров бошлаб берган ҳужумни Каримоқ давом эттирди ва Саидовни бирга-бир вазиятга чиқариб юборди. Бундан унумли фойдаланган ҳужумчимиз ҳисобни тенглаштирувчи голни урди. 

Шу тариқа, Саидов турнирдаги урган голлари сонини 3 тага етказиб олиб, тўпурарлар пойгасида пешқадамлар орасига қўшилди. 

Айни пайтда Думбия, Элиас, Раян, Гейе, Барчимасларнинг ҳисобида 3 тадан гол мавжуд.