U Italiyada futbol bo‘lishiga qarshi

Italiya terma jamoasi sobiq bosh murabbiyi Chezare Prandelli A Seriyada mavsum iyundan tiklanishi borasida o‘z fikrini bildirib o‘tdi.

“Tushunmayapman, nima uchun biz hamma narsa tugashini kuta olmaymiz? Nega iyun o‘rniga iyulda boshlasa bo‘lmaydimi?

Italiya hali ham koronavirusga qarshi kurashyapti va har kuni kimlardir o‘lyapti. Bizga yana vaqt kerak deb o‘ylayman”, - deydi tajribali mutaxassis.

Hozirgi kungacha Italiyada Covid-19 bilan bog‘liq 225 mingta holat qayd etilgan. Bemorlarning 31 ming nafari vafot etgan.