U Italiyada o‘ynashni eplolmadi

Ispan futboli tarbiyalanuvchisi Gonsalo Vilyar Italiya chempionatida o‘z o‘rnini topa olmayapti.

2020 yili “Roma”ga ko‘chib o‘tgan iste’dodli yarim himoyachi “bo‘rilar” asosiy tarkibiga kira olmadi.  Joze Mourino bu o‘yinchidan foydalanmaganidan keyin, klub uni o‘tgan mavsumda “Xetafe”ga ijaraga bergandi.

Joriy mavsumni Gonsalo boshqa klubda “Sampdoriya”da boshladi. Lekin Vilyar bu imkoniyatdan ham foydalana olmadi. 24 yoshli futbolchi A Seriyada 15 ta uchrashuvda ishtirok etib, samarali harakatlarni amalga oshirmadi.

Endi Vilyar “Sampdoriya”ni tark etmoqda. Rim klubi mavsumning ikkinchi yarmida uni “Xetafe”ga jo‘natishga qaror qilgan.