У мени ақлдан оздирган. Гвардиола фаолиятидаги энг қийин рақибини айтди

«Манчестер Сити»нинг собиқ бош мураббийи Хосеп Гвардиола ўз мураббийлик фаолиятидаги энг қийин рақиб сифатида Юрген Клоппни тилга олди.

- Юрген Клопп менинг бутун фаолиятимдаги энг асосий рақибим бўлган. У ҳар 20 дақиқада тактик тизимни ўзгартира оларди. Ростдан ҳам мени ақлдан оздирган пайтлари кўп бўлган, — дея Гвардиоланинг сўзларини AS нашри келтиради.

Эслатиб ўтамиз, 2026 йил 22 май куни «Манчестер Сити»нинг расмий сайтида Гвардиола мавсум-2025/2026 якунлангач, жамоани тарк этиши ҳақфида эълон қилинган эди. Бу қарор мураббийнинг шартномаси яна бир йилга — 2027 йил ёзигача амал қилишига қарамай қабул қилинган.

Юрген Клопп эса 2025 йилдан буён Red Bull компаниясида халқаро алоқалар бўйича директор лавозимида фаолият юритмоқда. Унинг шартномаси 2029 йил охиригача мўлжалланган. Red Bull корпорациясига келгунга қадар Клопп 2015 йилдан 2024 йилгача «Ливерпуль»ни бошқарган. Аввалроқ оммавий ахборот воситаларида мутахассис Германия терма жамоасини бошқариб қолиши мумкинлиги ҳақида хабарлар тарқалган эди.