У Сульшернинг ишончини йўқотди

“Манчестер Юнайтед” клуби ярим ҳимоячиси Жесси Лингард ёзги трансферлар даврида жамоани тарк этиши мумкин. Бу ҳақда Goal.com хабар тарқатмоқда.

Юқоридаги манбага кўра 27 ёшли англиялик футболчи жамоа бош мураббийи Оле-Гуннар Сульшернинг ишончини йўқотгани боис уни сотиб юборишмоқчи.

МЮ мавсумлар оралиғида “Боруссия” Дортмунддан Жейдон Санчони, “Астон Вилла”дан Жек Грилишни ва “Лестер”дан Жеймс Мэддисонни сотиб олмоқчи.

Лингард айни дамда агенти Мино Райолага ўзи учун янги жамоа топишни буюргани айтилмоқда.

Эслатиб ўтамиз, Лингард жорий мавсум АПЛда 20 та ўйинда майдонга тушди.