Учрашувдан кейин Грэм Поттер нималар деди?

"Челси" Чемпионлар лигасининг нимчорак финалида "Боруссия"ни 2:1 ҳисобида мағлуб иқлиб, кейинги босқичга йўл олди. Жавоб баҳсида Лондон клуби меҳмонлар дарвозасини икки марта ишғол қилди. Ўйиндан кейин жамоа бош мураббийи Грэм Поттер ўз фикрлари билан ўртоқлашди.

"Бу эҳтиросли оқшом бўлди. "Стэмфорд Бридж" ларзага келди. Шундай бўлишини билгандим ва бизнинг ғалабамиз билан янада ажойиб атмасфера юзага келди. Йигитлар муносиб қаршилик кўрсатди. Биз ғалаба учун ҳаракат қилдик. Бу - энг яхши жамоа", - деди англиялик мутахассис.

Поттер Хаверцнинг пенальтини қайта амалга оширганига ҳам реакция билдирди.

"Мен қонун-қоида бузилганини билганим йўқ. Аммо иккинчи бор у тўпга яқинлашганида унга қарай олмадим. Шунчаки мухлислар хурсандчилигидан гол урилганини билиб олдим", - дея қўшимча қилди мураббий. 

"Челси"дан ташқари чорак финалга "Бенфика" ҳам чиқди. Португалиялклар "Брюгге"ни йирик ҳисобда мағлуб қилиб, ўзини кучсиз клуб эмаслигини билдириб қўйди