UEFA "Arsenal"ni 15 ming evro jarimaga tortdi

UEFA Londonning “Arsenal” klubini Evropa ligasi guruh bosqichidan o‘rin olgan “Qorabog‘”ga qarshi o‘yinda sodir bo‘lgan voqealar uchun jazoladi.

Unga ko‘ra “kanonirlar” “Emireyts”dagi uchrashuv belgilangan vaqtdan kechroq boshlangani va o‘yin payti maydonga muxlis tushib ketgani uchun 15 ming evro jarimaga tortilishdi.

Eslatib o‘tamiz, shu kuni “Arsenal” Ozarbayjon klubini 1:0 hisobida mag‘lubiyatga uchratgan edi.