УЕФА "Барселона", "Челси" ва "Рома" каби клубларни жаримага тортди

Европа футболи ассоциациялар уюшмаси (УЕФА) бир қатор клубларни молиявий интизомни бузгани учун жаримага тортди. Гап жамоаларнинг ўз даромадига нисбатан жамоа таркибига қилинган харажатлари ҳақида боради.

2024 йилда якунланган молиявий йил учун харажат лимити клуб даромадининг 80 фоизи этиб белгиланган эди. Ушбу кўрсаткич 2025/26 мавсумидан бошлаб 70 фоизга туширилади.

УЕФА маълум қилишича, беш клуб ушбу лимитни бузган — уларнинг харажатлари 80%дан 90%гача бўлган.

Натижада қуйидаги жарималар қўлланилди:

"Челси" – 20 миллион евро
"Барселона" - 15 миллион евро
"Лион" - 12 миллион евро
"Астон Вилла" – 11 миллион евро
"Рома" - 3 миллион евро

УЕФАнинг таъкидлашича, жарималар мутлақ тарзда қўлланган ва ҳар бир клуб харажат лимитини қай даражада оширганига қараб белгиланган.