УЕФА тўхтаб қолган ПСЖ ва “Истанбул” учрашуви қачон давом эттирилишини маълум қилди

Европа футбьоли раҳбарияти Чемпионлар лигаси доирасидаги ПСЖ ва “Истанбул Башакшеҳир” жамоалари ўйини бўйича муносабат билдирди. Маълумки, Париждаги ўйиннинг 13-дақиқасида ёрдамчи ҳакам Себастьян Чолтеску истанбулликларнинг ёрдамчи мураббийини “анави қора йигит” деб кўрсатганидан кейин можаро келиб чиққан эди.

Натижада, ҳар икки жамоа футболчиларни ўйинни давом эттиришдан бош тортган.

- УЕФА Париждаги ўйинда юз берган можаро ҳақида маълумотга эга ва махсус текширув ўтказади. Ирқчиликнинг ҳар қандай кўринишига футболда ўрин йўқ, - дейилади ташкилот баёнотида.

УЕФА қарорига кўра, ўйин 9 декабрь куни Тошкент вақти билан 22:55 да тўхтатилган вақт – 13-дақиқалдан бошлаб давом эттирилади.