UFC 10 та промоушен орасида охирги ўринни эгаллади

2024 йил охирида UFC аралаш яккакурашлар бўйича дунёнинг энг яхши ўнта лигаси орасида эрта ғалабалар ва нокаутлар фоизи бўйича охирги ўринни эгаллади.

Статистик маълумотлар таҳлилчиси Ник Латшоу томонидан эълон қилинган маълумотларга кўра, ўтган йили UFC да жангларнинг 44,8 % эрта тугаган.

Эрта ғалабаларнинг энг юқори фоизи Cage Warriors лигасида қайд этилган - 65,9%. Ундан кейин KSW - 63% ва Brave CF - 62,5%. Rizin ва LFA лигаларида жангларнинг 61,8 % эрта якунланган, ONE FC да - 55,7 %, PFL да - 53 %.

Эслатиб ўтамиз, UFC да ўтган йил ўрталаридан буён нокаутлар сони сезиларли даражада камайган ва кўпчилик буни қўлқопларнинг янги моделининг жорий этилиши билан изоҳлаган. UFC раҳбарияти буни рад этди, бироқ ноябр ойининг ўрталарида эски услубдаги қўлқопларга қайтишга қарор қилди.