"UFC 249" turniri ishtirokchilari ko‘z urushtirish marosimida ishtirok etishdi (Video)

Barcha MMA ishqibozlarining diqqat e’tibori 10 may tongda start oladigan "UFC 249" turniriga qaratilgan desak, mubolag‘a bo‘lmaydi. Ma’lumki, ushbu turnirda ikkita chempionlik jangi o‘rin olgan. Qolaversa, bir qator bir-biriga munosib raqiblar o‘zaro jang olib borishadi. Shu o‘rinda mazkur jang kechasini UzReport telekanali ertaga tongda ya’ni 05:00 dan boshlab, jonli tarzda namoyish etishini ham aytib o‘tish joiz. Mazkur jang kechasi avvalidan an’anaviy tarzda o‘tkaziladigan ko‘z urushtirish marosimi ham yakunlandi. Quyida, ushbu tadbirni tomosha qilishingiz mumkin.