UFC промоушени президенти Дана Уайт UFC 259” учун супер тўқнашувларни танлади. Асосий карддан уч чемпионлик жанги ўрин олган. Марказий жанг эса янада қизиқарли ўтиши кутилмоқда. Чунки, ўрта вазн чемпиони Исраэль Адесанья ҳамда яримоғир вазн тоифаси чемпиони Ян Блахович ўзаро куч синашади. Қолаверса, Аманда Нуньес - Меган Андерсон, Пётр Ян – Алджамейн Стерлинг қарама-қаршилиги ҳам шиддатли ўтиши тайин. Сабаби аёнки, бу тўқнашувлар титул учун бўлади.

Биз анъанамизга содиқ қолган ҳолда,  ушбу жанглар ҳақида бироз ўз тахминларимиз ва таҳлилларимиз билан ўртоқлашмоқчимиз.

Аманда Нуньес – Меган Андерсон

- Бразилиялик жангчи қиз хозирги кунда аёллар ўртасидаги “Pound for Pound” етакчиси ҳамда ўта енгил вазн тоифаси чемпиони саналади. Тан олиб айтиш лозимки, у сўнгги вақтларда Валентина Шевченкодан бошқа рақибалари билан жангда ҳеч қандай қийинчиликка учрамади. Шу нуқтаи назардан, австралиялик Меган Андерсонга қарши тўқнашувда юқоридаги фикрларимизни илгари сура олмаймиз.

Сабаби, у Нуньеснинг сўнгги вақтдаги рақибаларига ўхшамайди. Яъни, бразилиялик осон ғалабани қўлга киритади, деган фикрдан йироқмиз. Чунки, Андерсон гавда тузилиши жиҳатидан йирик ва бу борада Амандага қаршилик қила олади. Бўйи ҳам баланд. Бир сўз билан айтганда, габарит жиҳатидан унда камчилик йўқ. Қолаверса, зарбаси ҳам жуда кучли, бунга Холли Холм билан бўлган жанг ҳам мисол бўла олади.

Энг қизиғи “партер”да ҳам яхши ҳаракат қилади. Демоқчимизки, унинг жиу-житсу борасидаги маҳорати ҳам жуда юқори. Кутилмаган усулларни ажойиб тарзда якунлаши мумкин. Жанг тенг курашлар остида кечади, деган фикрдамиз. Бироқ, барибир Аманда бу Аманда! Устунликни 55% - 45 %  ҳисобида Аманда Нуньесга берган бўлардик.

нунес

 

Пётр Ян – Алдажемейн Стерлинг

- Ўта енгил вазн (56.7-61.2 кг) тоифаси чемпиони россиялик Пётр Янга бу сафар ушбу дивизион рейтинги етакчиси Алджамейн Стерлинг қаршилик қилади. Бу қарама-қаршилик жуда қизиқарли ўтиши тайин. Чунки, услублар тўқнашуви бўлади. Яъни, “стойка”да жанг олиб борувчи ва бу унинг кучли томони бўлган россиялик жангчи ажойиб курашчи ва “партер”нинг ҳавосини олган Стерлингдан ўз титулини ҳимоя қилади.

Стерлинг яхши курашчи ва жисмоний ҳолати ҳам ажойиб агар, у Янни йиқитиб олса, унда россиялик жангчини қийнаб ташлаши аниқ. Лекин Пётр Ян “тэйк-даун”лардан жуда яхши ҳимояланади. Шунингдек, зарбаси рақибидан анчагина кучли...

Албатта, биз уларнинг бевосита жангларини томоша қилган ҳолда ушбу хулосани илгари сурмоқдамиз. Агар, биринчи раунддаги Стерлингнинг “тэйк-дун”ларидан муваффақиятли ҳимоялана олса, қолган раундларда Яннинг имконияти ошиб кетади, деган тахминдамиз. Шубҳасиз, улар ўртасидаги тўқнашувда ҳам яққол фаворит йўқ. Фоизлар ҳисобида эса, юқоридаги қарама-қаршилик каби 55%-45%  натижа билан Янга устунликни берган бўлардик.

стер

Исраэль Адесанья –Ян Блахович

- Бу жангга бўлган қизиқиш жуда юори. Чунки, Адесанья ҳозирда UFCнинг юзи ҳисобланади ва унинг бу галги таваккали қанчалик ўзини оқлайди, деган саволларга ҳам жавоб топилади. Шубҳасиз Адесанья улкан иқтидор эгаси. Ишонч билан айта оламизки, маҳорат бобида у Блаховичдан бир бош устун. Бироқ, ММАда вазн деган омил борки, бу жуда катта роль ўйнайди. Аслида, Адесанья ўрта вазн тоифасига ҳам гавда тузилиши жиҳатидан кичикдек туюлади. Айтишадику уни “Озғин бола” деб, поляк жангчиси эса деярли оғир вазн тоифасига тортадиган габаритга эга. Вазн омили деганда, фақат оғирлик эмас, шу вазнга хос зарба кучи ҳам назарда тутилади. Блахович эса яримоғир дивизиондагилар орасида ҳам энг кучли зарба соҳибларидан бири ҳисобланади. Айнан ушбу омиллар имкониятларни тенглаштиради.

Эсингиздами, Макс Холлоуэй билан Дастин Порье жанги? Уларнинг тўқнашувидан аввал, Холлоуэй ярименгил вазн “қироли” эди ва енгил вазндаги Порьени мағлуб этишига кўпчилик ишонганди. Бироқ, Порье унга имконият қолдирмаганди. Шундай экан, аввалдан Адесаньяни имкониятини юқори баҳолаш бироз нотўғри бўлади.Ҳар ҳолда у бир вазн юқори тоифадаги жангчига дуч келади.

 Қолаверса, Блахович анча бақувват, “лоу-кик” зарбалари ҳам жуда кучли, юқорида таъкидлаб ўтганимиздек, ажойиб қўл зарбасига эга. Шундай экан, унинг биттагина аниқ зарбаси нигериялик жангчини “ухлатиб” қўйиши мумкин. Бироқ, Адесаньяга кучли ва аниқ зарба йўллай олишнинг ўзи қийин масала ҳисобланади. У  жуда чаққон ва ҳимояланиш қобилияти жуда юқори. Шунингдек, жангни назоратда ушлаб туриш ва октагондаги IQ си яхши шаклланган. Хуллас, уларнинг имкониятини 50%-50%  деган бўлардик. Албатта, бу шахсий фикрлармиз. Аслида, ким ғалаба қозонади, буни тез орада билиб оламиз!

янн

 Шов-шувли "UFC 259" турнирида супер жангчилар октагонга кўтарилади. Жуфтликлар рўйхати билан танишинг!

“UFC 259” турнири UZREPORT TV орқали жонли равишда эфирга узатилади

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар