"UFC 312" турнирига икката супер жанг қўшилди

Хабарингиз бор, 2025 йилнинг 9 февраль куни Австралиянинг Сидней шаҳрида "UFC 312" турнири бўлиб ўтади.

Кечанинг асосий тўқнашувида ўрта вазнда амалдаги чемпион Дрикус Дю Плэсси (22-2) америкалик Шон Стрикленд(29-6)га қарши октагонга кўтарилади. Мусобақанинг "co-main event" жангида эса хитойлик чемпион Чжан Вэйли (25-3) ва Татьяна Суарес (10-0) ўзаро кураш олиб боради.

Маълумот учун,  Дю Плэсси "UFC 297" турнирида Стриклендни ҳакамларнинг якдил қарорига кўра мағлуб этиб, камарни қўлга киритганди.