"UFC 331" – unutilmas oqshomga aylandi!

O‘zbekiston vaqti bilan 20 sentabr ertalabki soat 04:00 boshlangan "UFC 331" turniri muxlislarning xotirasida muhrlanib qoldi. Eng orzuqib kutilgan ikki markaziy jang tahlilini quyida o‘qishingiz mumkin.

Markaziy to‘qnashuv: Aleksandr Pantoja - Joshuа Van.

Birinchi raundni Pantoja kutilganidan ko‘ra shijoatliroq boshladi. Zarbаlari kuchli, harakatchanligi yuqori edi. Ushbu raundda Aleksandr raqibini ikki bor teykdaun qilishni uddaladi va parterda 2 daqiqa 25 soniya ushlab tura oldi. Total ustunlik Pantoja tomonida edi. 

Ikkinchi raundda har ikki iqtidor ham bir-biridan qolishmadi, ammo Van biroz yorqinroq ko‘rindi.

Uchinchi raundda esa ustunlik sekin-asta Joshuaning qoliga o‘ta boshlandi. Myanma vakili murabbiylarining yordamı bilan teykdaunlardan qanday himoyalanishni o‘rganib oldi va Aleksandrning ko‘plab urinishlarini ko‘kka sovurdi. 

To‘rtinchi raund Van biroz bo‘shashdi va yana Pantoja raqibini parterga olib o‘tib, qariyb 3 daqiqa nazoratda ushladi va ochkolar bo‘yicha ustunlikka erishdi.

Beshinchi raundda kelib, Joshuа Aleksandrni yaxshigina "savaladi". Nokautga yaqinlashdi, ammo hakam jangni to‘xtatmadi, Pantoja esa o‘ziga kelib oldi va davom etdi.  Yakunda amaldagi chempion hakamlarning yakdil qaroriga ko‘ra g‘alaba qozonib, kamarini ikkinchi bor muvaffaqiyatli himoya qildi. 

Ikkinchi markaziy jang: Arman Tsarukiyan - Maurisio Ruffi.

Barcha intizorlik bilan kutgan bahs uzoqqa cho‘zilmadi. Arman avval teykdaunga urindi, panjara yonida - klinchda raqibini parterga olib o‘tishga urindi va Ruffini ham charchatib, ham chalg‘itib oldi. Maurisio bir tarafini himoya qilaman, deb ikkinchi tarafini ochib qo‘yishi haqidagi hayolga chalg‘idi va to‘satdan Tsarukyaning tirsak zarbalariga duch kelib, nokautga uchradi. Shu lahzada esa 1 raund tugashiga atiga 5 soniya qolgan edi... 

Azizbek G‘OZIY tayyorladi