UFC жангчиси ва профессонал боксчи тўқнашса, ким ғолиб бўлади?

Икки вазн тоифасининг собиқ чемпиони Генри Сехудо профессионал бокс бўйича WBC Silver камари соҳиби Райан Гарсияни рингга чақирди.

- Мен Гарсияни зўр боксчи, деб ҳисобламайман. Уни Оскар де ла Хойянинг кўз ўнгида тиз чўктиришимга ишонаман. Кучим бор, тажрибам катта. Гарсия шартномани имзоласа бўлди. Райан 100 та зарба бериши мумкин, лекин менинг биргина муштим уни қулатади, - деди Генри Сехудо.

Сехуда аралаш жанг санъатлари йўналишида 18 та жанг қилган ва шулардан 16 тасида зафар қучган, икки маротаба мағлубият аламини тотган.