UFC Валентина Шевченконинг камарини тортиб олмади

UFC юлдузи Валентина Шевченко ўз ташаббуси билан чемпионлик камаридан воз кечди. Бу ҳақда промоушен раҳбари Дана Уайт "UFC on Paramount" га берган интервьюсида маълум қилди.

"Ҳеч ким Валентинани унвонидан маҳрум қилгани йўқ – унинг ўзи бўшатди. Билишимча, у жароҳатларини тузатишмоқчи экан, шунинг учун бундай қарорга келган. Шевченконинг қайтиш муддатига келсак, ҳозирча менда маълумот йўқ", - деди UFC президенти.

UFC нинг режасига кўра, 3 октябрь куни Солт-Лейк-Ситидаги "UFC 332" турнирида Шевченконинг вакант камари учун хитойлик Ван Конг ва бразилиялик Наталья Силва беллашади.

Эслатиб ўтамиз, Шевченконинг мураббийи Павел Федотов бел ва елка бойламлари жароҳати туфайли шогирди камида саккиз ойга сафдан чиқишини маълум қилганди.