UFC янгиланган рейтинги эълон қилинди

Супер тарзда ўтган UFC 280: Oliveira vs. Makhachev турнири якунланиши ҳамоноқ барча мухлислар хаёлидан биттагина фикр ўтган бўлса ажабмас, яъни, қачон UFC рейтингининг янгиланган версияси мухлисларга тақдим этилади? Унда ким қанча поғонага кўтарилади? Кимлар пастга шўнғийди-ю, кимлар рейтингдан чиқиб кетади? бугун тонгда эса промоушен барча ишқибозлар саволига жавоб бўлиши мумкин бўлган янгиланган рейтингни барчанинг эътиборига тақдим этди. Сиз ҳам, бемалол, ушбу воқеаликка назар ташлашингиз мумкин:

Энг енгил вазн (-56.7 кг)

- Су Мудаержи Манел Капени қувиб ўтган ҳолда, 1 поғона тепага кўтарилди ва дивизионнинг 12-поғонасидан жой олди;

- Ўз навбатида Манел Капе 1 поғона пастлади ва 13-поғонага жойлашди;

- Муҳаммад Мокаев энг енгил вазнда биринчи маротаба рейтингга киритилди ва 15-поғонадан жой олди.

Биринчи енгил вазн (-61.2 кг)

- Шубҳали тарзда бўлсада Пётр Янни ютган бўлсада Шон О'Мэлли бира тўла 10 поғонага кўтарилди ва дивизионнинг 1-поғонасига жойлашди;

- Ундан ташқари Мераб Двалишвили ва Марлон Вералар ҳам битта поғонадан юқорилашди ва мос равишда 2 ва 4-поғонадан жой олишди;

- ТиДжей Диллашоу энг кўп поғона (-3) бой берган ҳолда 5-поғонагача пастлади;

- Кори Сендхэген 2 поғонага пастлади ва дивизионнинг 6-поғонасига жойлашди;

- Битта поғонадан ўз позицияларини бой берган Пётр Ян (2-ўрин), Роб Фонт (7-ўрин), Доминик Круз (8-ўрин), Педро Муньоз (9-ўрин), Сонг Ядонг (10-ўрин) ва Рикки Симон (11-ўрин) рейтингдаги мос ўринларга жойлашишди.

Ярим енгил вазн (-65.7 кг)

- Бир поғонадан ўз позицияларини бой беришган "Кореялик Зомби" Чен Сонг Джунг (7-ўрин) ва Дэн Иге (12-ўрин) мос ўринларга жойлашишди;

- Дэн Игени қувиб ўтган Содиқ Юсуфф эндиликда 11-поғонани банд этмоқда.

Енгил вазн (-70.3 кг)

- Ислам Махачев камарни қўлган киритганидан сўнг мутлақ чемпион постидан жой олди;

- Чемпионга камар жангида имкониятни бой берган Чарльз Оливейра барибир 1-поғонада қолди:

- Топ-15 да энг катта кўтарилишни Джалин Тёрнер (+3) амалга оширди ва 10-поғонага жойлашди;

- Тёрнердан кейин энг яхши сакрашларни икки поғонадан юқорилаган Бенил Дариуш (4-ўрин) ва Дэн Хукер (12-ўрин) қайд этди ва мос равишларда ўринларга жойлашишди;

- Ундан ташқари битта поғонадан юқорилаган Рафаэль Физиев (6-ўрин), Рафаэль дос Аньос (7-ўрин), Матеуш Гамрот (8-ўрин), Арман Царукян (9-ўрин) ва Тони Фергюсон (14-ўрин) суратда кўрсатилган пуктларгача ўз поғоналарини яхшилаб олишди;

- Енгил вазн рейтингида Конор МакГрегор битта поғонага пастлади ва 13-ўринга тушди.

Ярим ўрта вазн (-77.1 кг)

- Ўтган ҳафтада феноменал натижа эвазига ғалаба қозонган Билол Муҳаммад Гилберт Бёрнсни қувиб ўтган ҳолда 4-поғонага жойлашди;

- Гилберт Бёрнс эса бир пунктгача пастлади ва 5-ўринга жойлашди.

Ўрта вазн (-83.9 кг)

- Ўрта вазнда бу ҳафта ҳеч қандай ўзгаришлар кузатилмади.

Ярим оғир вазн (- 92.9 кг)

- Никита Крилов Волкан Ўздемирни ишончли тарзда мағлубиятга учратиш орқали 2 поғонага юқорилади ва дивизоннинг 8-ўрнидан жой олди;

- Ўз Ўрнида Волкан Ўздемир мағлубият сабабли 2 поғонага пастлади ва 10-ўринга жайлашди.

Оғир вазн (-120.2 кг)

- Оғир вазнда бу ҳафта ҳеч қандай ўзгаришлар кузатилмади.

Вазнидан қатъий назар рейтинги (Pound-for-Pound)

- Енгил вазн камарини қўлга киритган Ислам Махачев биринчи марта P4P рейтингига киритилди ва бира тўла 3-ўринга жойлашди;

- Ўз ўрнида Леон Эдвардс (5-ўрин) ва Иржи Прохазка ҳам битта поғонага кўтарилиб олишди;

- Шон О'Мэллига ютқазган Пётр Ян бита тўла P4P топ-15'лик рейтингидан чиқариб ташланди;

- Титуль жангида ютқазган Чарльз Оливейра P4P рейтингида ҳам 4 поғонага пастлади ва 7-ўринда жой олди;

- Анча вақтдан бери ғалаба қозонмаган Дастин Порье (11-ўрин) рейтингда 3 поғонага пастлади;

- Ундан ташқари Фрэнсис Нганну (6-ўрин), Алджамэйн Стерлинг (8-ўрин), Дэйвисон Фигейредо (10-ўрин), Джон Джонс (12-ўрин) ва Макс Холлоуэй (13-ўрин) бир пунктга ўз поғоналарини бой беришди.