Уилфрид Заа "Арсенал"га ўтмоқчи

“Кристал Пэлас” ярим ҳимоячиси Уилфрид Заа мавсумлар оралиғида “Арсенал”га ўтишни истамоқда. Бу ҳақда BBC хабар тарқатмоқда.

“Кристал Пэлас” раҳбарияти 26 ёшли футболчининг трансферини 80 млн фунтга баҳоламоқда. Бироқ, Аарон Уан-Биссака каби етакчи футболчисини МЮга бой бераётгани боис, Заадан ҳам айрилмоқчи эмас ва уни таркибда олиб қолмоқчи.

Ўз навбатида “канонирлар” ушбу қиммат трансферни амалга оширишлари учун Пьер-Эмерик Обамеянг ёки Лукас Торрейра каби футболчиларидан бирини сотиши керак.

Маълумот учун, Заа ўтган мавсум АПЛда 34та ўйинда майдонга тушди ва 10та гол ҳамда 10та голли узатмага муаллифлик қилди.