"Uimbldon-2024". Sobolenko jarohat tufayli turnirni o‘tkazib yuboradi

Dunyoning uchinchi raketkasi, belarus tennischisi Arina Sobolenko elkasidan olgan jarohati tufayli "Uimbldon-2024" musobaqasini tark etdi.

Avvalroq, Sobolenko turnirni tark etishi mumkinligi haqida xabarlar tarqalgan edi. Tennischining o‘zi yaxshi formada emasligini tan oldi va uning so‘zlariga ko‘ra, elka muammosi juda kam uchraydi va tennischilarga xos emas. Sobolenko muntazam ravishda barcha kerakli tekshiruvlardan o‘tadi.

"Katta Dubulg‘a"ning ikki karra g‘olibi Sobolenko "Uimbldon-2024" musobaqasini amerikalik Emina Bektasga qarshi o‘yin bilan boshlashi kerak edi. 2023 yilda belaruslik turnirning yarim finalida o‘ynagan.

Eslatib o‘tamiz, Arina Berlindagi musobaqada Anna Kalinskaya bilan o‘yinda ham elkasidagi muammo tufayli musobaqani tark etgandi.