Улар “Манчестер Юнайтед”дан кетгани яхши бўлди!

“Манчестер Юнайтед”нинг собиқ футболчиси Рой Кин жамоа учун муваффақиятсиз якунланган мавсумдан кейин бир неча ўйинчи клубни тарк этганидан мамнун бўлганини яширмади.

Маълумки, Манчестердан шартномаси якунланган  Поль Погба, Неманья Матич, Жесси Лингард, Эдинсон Кавани ва Хуан Мата кетди.

- Клуб бу ўйинчиларга олдинга қараб қадам ташлаш имконини берди. Янги мураббий хаёли бошқа жойларда бўлган футболчиларга эътибор қаратмагани яхши бўлди. Энди ҳаммасини тоза саҳифадан бошласа бўлади. Раҳбарият янги трансферлар учун маблағ ажратиши аниқ, - деди Рой Кин.

“Манчестер Юнайтед” ўз олдига қўйилган мақсад – Чемпионлар лигасига йўлланма олишни уддалай олмади. Раҳбарият бош мураббийликка Эрик тен Хагни олиб келди. Нидерландиялик мураббий айни пайтда ўз ўйин услубига тушадиган жанговар таркибни шакллантириш билан банд.