Улар янги мавсумни янги жамоаларда бошлашлари мумкин

А Сериянинг икки гранди - "Ювентус" ва "Рома" ёзги трансферлар даврида ўзаро ҳужумкор ярим ҳимоячилар рокировкасини амалга оширмоқчи.

Calciomercato нашрининг ёзишича, мавсумлар оралиғида Никола Дзаньоло “кекса синьора”га, Федерико Бернардески эса “бўрилар” сафига кўчиб ўтиши мумкин.

Дзаньоло жорий мавсум "Рома" сафида 24 та ўйинда майдонга тушди ва 6 та гол ҳамда 2 та голли узатмага муаллифлик қилди. Унинг трансфери эса 45 миллион еврога баҳоланмоқда.

Бернардески эса 24 та ўйинда 1 та гол ҳамда 1 та голли узатмага муаллифлик қилди. Унинг трансфер нархи 28 млн еврога тенг.