Умар Нурмагомедов: “Ислом Махачев ҳар бир жангга бир нечта режа билан чиқади”

Россиялик Умар Нурмагомедов ватандоши Ислом Махачевнинг айни дамдаги ҳолати ва Жек Делла Маддаленага қарши жангга тайёргарлиги ҳақида гапирди.

“Ислом ажойиб формада. У жуда ақлли жангчи. Мен уни узоқ вақтдан бери биламан — у ҳеч қачон жангга битта режа билан чиқмайди. Унда ҳар доим А, Б, В ва ҳатто ундан ҳам кўпроқ вариантлар бўлади. Агар бир усул ишламаса, дарҳол бошқасини қўллайди. У ҳар қандай ҳолатга тайёр. Шунингдек, Махачев ажойиб дўст ва биродар ҳамдир. Мен ишонаман, у Маддаленани мағлуб этиб, камарни қўлга киритади”, — деди Умар "ММА Junkie" га берган интервьюсида.

Эслатиб ўтамиз, Ислом (27-1) 16 ноябрь куни "UFC 322" турнирида Жек Маддалена(18-2)га қарши октагонга кўтарилади.