Умарали Раҳмоналиев: "Ўзбекистонда туғилганимдан фахрланаман"

Юртимизда ўтказилган 20 ёшлилар ўртасидаги Осиё чемпионати ниҳоясига етди. Финалда ватандошларимиз Ироқни 1:0 ҳисобида мағлуб қилди. Ягона гол муаллифи - Умарали Раҳмоналиев. Ҳужумчи 72-дақиқада пенальтидан унумли фойдаланиб, ҳисобни очди.

Ўйиндан кейин Умарали ўз фикрлари билан ўртоқлашди. 

"Авваламбор, ҳаммага ассалому алайкум. Бизни қўллаб-қувватлаган мухлисларга ва ота-оналаримизга бизни шундай вояга етказиб, тарбиялагани учун алоҳида раҳмат айтаман. Ҳаммаси Худодан. Мухлислар учун боримизни бердик. Ўзбекистонда туғилганимдан ва ўзбек бўлганимдан фахрланаман.

Пенальти тепаётганимда фақат гол уриш ҳақида ўйладим. Гол уришим шарт эди. Сабаби, шунча одам буни кутиб турганди".