Универсал футболчи “Реал” эшигини қоқмоқда

“Бавария” билан янги шартнома бўйича келиша олмаган Давид Алабанинг агенти Пини Захави мижозини “Реал”га жойлаштириш борасида иш бошлади.

Маълумки, мюнхенликлар раҳбарияти кетма-кет бир неча таклифни рад этган футболчига бошқа шартнома берилмаслигини маълум қилди. Чунки, Давид Алаба “Бавария”дан йилига 20 миллион евро маош талаб қилган ҳолда, бу суммадан паст маблағ кўрсатилган шартномаларини қабул қилмади.

Шундан сўнг, Захави универсал ҳимоячига янги иш топиш мақсадида мадридликларга австриялик футболчининг хизматларини таклиф қилган. Бу таклиф Зинедин Зидан жамоасини ҳам қизиқтириши табиий. Чунки ҳимоянинг ҳар қандай нуқтасида юқори даражада ўйнай оладиган Алаба келаси ёзда эркин агент сифатида текинга олиб келинади. Бу вазиятда томонлар футболчининг маоши ва агентнинг улуши бўйича келишувга эришса кифоя.

Матнда хатолик топсангиз, ўша хатони белгилаб, бизга жўнатинг (Ctrl + Enter)