Усик: "IBF камарини 2024 йил совғаси сифатида сизларга бераман"

Супер оғир вазнда мутлақ жаҳон чемпиони Александр Усик IBF чемпионлик камаридан воз кечишга қарор қилди. Бу ҳақида Александр ўзининг ижтимоий тармоқларида жойлаштирган видеосида маълум қилди.

 "Ҳаммага салом. Энтони ва Даниэль, тингланг, мен IBF камари сиз учун муҳимлигини биламан. Келинг, буни сизлар учун 21 сентабрдаги совғам дейлик. Ҳаммаси учун Яратганга шукур. Украинага шон-шарафлар бўлсин", - дейди Усик видеода.

 Бундан ташқари, у постга қуйидаги сўзларни қўшиб қўйди:

"IBF камари 21.09.2024 йил учун сизга совғам. Дунё кучлиларни севади. Сизнинг дўстингиз ва мутлақ жаҳон чемпиони Александр Усик".