Усик ва Фьюри ўртасидаги реванш жанги расман эълон қилинди !!!

Супер оғир вазнда мутлақ жаҳон чемпиони Александр Усик ва собиқ чемпион Тайсон Фьюри ўртасидаги реванш жанги расман эълон қилинди. Бу ҳақида Турки Ал аш-Шайх маълум қилди.

“Александр Усик ва Тайсон Фьюри ўртасидаги реванш жанги 2024 йил 21 декабрь куни Ар-Риёдда ўтказилади. Дунё яна бир бор тарихий курашни кўради. Умид қиламизки, бу ҳаммага ёқади!”, – деб ёзади Саудия Арабистони расмийси ижтимоий тармоқда.

Эслатиб ўтамиз, Фьюри(34-1-1, 24 КО) ва Усик(22-0, 14 КО) ўртасидаги илк жанг 18 май куни Саудия Арабистонининг Ар-Риёд шаҳрида бўлиб ўтган ва унда украиналик боксчи очколар эвазига ғалаба қозонган эди.