Усмон Нурмагомедовнинг навбатдаги рақиби маълум!

Спорт шарҳловчиси Игор Лазорин Bellator промоушенининг енгил вазн тоифасида мағлубиятсиз серия қайд этаётган Усмон Нурмагомедов(17-0-1 N/C)нинг навбатдаги жанги ҳақида маълумот берди.

“Усмон Нурмагомедов Bellator чемпионлик унвонини Александр Шаблий(24-3)га қарши ҳимоя қилади. Бу ҳақида менга Нурмагомедовнинг менежери Ризван Магомедов хабар қилди. Жанг баҳор охири - ёз бошида бўлиб ўтади”, – деб ёзди Лазорин Telegram даги каналида.

Эслатиб ўтамиз, аввалроқ Усмон Нурмагомедов ўтган йилнинг ноябрь ойида Брент Примус билан Gran-pri ярим финал жангидан сўнг допинг-тестдан ўта олмаганига қарамай, чемпионлик унвонини сақлаб қолиши маълум бўлганди. Россиялик олти ойга дисквалификацияга учраб, британиялик билан жанги бекор қилинганди.