Вадим Абрамов: Футболчилар оиласини қандай боқишни билмаяпти. Уч ойдан буён маош йўқ. Бизга ҳар сафар «эртага, индинга» дейишдан нарёққа ўтилмаяпти

«Бунёдкор»нинг молиявий аҳволи қийин вазиятда. «UzTransGaz» бош ҳомийлигидаги клуб футболчилари ўтган йилги бронза медали, янги мавсумдаги ОЧЛ плей-офф босқичидаги иштирокига қарамай, ойлик маошларини ололмаяпти. Жамоа олдида нафақат 2020 йил ҳисобидан, ҳаттоки 2019 йилдан ҳам қолиб кетган қарздорлик ҳолати сақланиб келмоқда. Бу ҳақда Kun.uz сайти мухбири хабар берди.

Айни коронавирус пандемияси туфайли юзага келган карантин ҳолатида ушбу сайти вакили «Бунёдкор» клуби бош мураббийи Вадим Абрамов билан боғланиб, клубнинг асл молиявий ҳолатини билишга интилди.

- «Чинданам, жамоамиз 2020 йилда умуман ойлик маош олганича йўқ, қолаверса ўтган йилдан ҳам қарздорлик ҳолати бор. Қонун-қоидаларга амал қилиб, карантин вақтида кўчага чиқмай уйда аввалги ойлик маошлар берилишини кутиб ўтирибмиз», - дея гап бошлади Вадим Карленович.

- Демак, бу йил ҳисобидан жамоа футболчилари умуман ойлик маош олишмаган, шундайми?

- Худди шундай, уч ойдан буён маош олганимиз йўқ. Мен кўпроқ ҳозирги қийин паллада жамоамиз футболчилари учун қайғураяпман. Улар билан имкон қадар қўнғироқлашиб, алоқада бўлиб турибмиз. Жамоада кўпчиликнинг оиласи, рўзғори бор уларни қандай боқишни билишмаяпти. Бундай пайтда мураббий, раҳбар сифатида йигитлар, жамоадагиларнинг олдида бироз ноқулай аҳволга тушасан. Афсуски, ҳозирча жамоада шунақа аҳвол.

- Клуб бош ҳомийси «UzTransGaz» раҳбариятида яқинда ўзгариш бўлди. Бу борада қандайдир янгилик ёки молиявий ҳолатга таъсири бўлдими?

- Бундан хабарим йўқ. Бу менинг ваколатимга кирмайди. Бунинг учун бош директор бор, раҳбар сифатида директоримиз ҳомийлар билан доимий алоқада бўлади. Афсуски, ҳозирча бизга ҳар сафар «эртага, индинга» дейишдан нарёққа ўтилмаяпти.

- Йил бошида жамоа Осиё чемпионлар лигаси саралашида Ўзбекистон шарафини ҳимоя қилганда ҳам вазият шундай эдими?

- Мавсум бошида Осиё чемпионлар лигасида иштирок этганлигимиз билан ҳисоблаганда, биласизми, ҳаттоки шунга ҳам ҳеч нарса ажратишмади. Вазият қийин. Нима бўлаётганлигини ҳаттоки тушунмаяпмиз. Футболчилар, жамоадагиларнинг ҳам оиласи, рўзғори бор. Мени шу кўпроқ ташвишлантиради, - деди Вадим Абрамов.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Shox Farxadovich
11/04/2020 19:58
Ja qiynalib qolishmiydi futbolchila eng kami 20 million oladiyu yana qiynalarmush.. Paxtakordagi Masharipov oyiga 70 ming $ oladi. Bunyodkoram kam omasa kere
&
О_бек
12/04/2020 22:54
Переборшили Вадим Карленович. Пусть на локомотивный депо по работают, потом узнает как можно жить без зарплаты...
Ibrohim Kuziev
12/04/2020 11:33
Masharipov bu bilan yilga 820min oldimi vay
&
Нодирбек жовлиев
11/04/2020 21:49
Вай бечоралар қийналиб қопсилару ӯзи бир ишди қойиллатган булсаларинг ойлик берадда
Ibrohim Kuziev
11/04/2020 20:31
Oylikni bir qishmini berish kerak yech bulmasha telap chopip yugurip pul topadi
Homilar buyniga olganku bersinda
&
fc.navbahor
12/04/2020 09:46
Nima keragi bor pul topib berolmasa klubni qiynap bunyodkor tepasidagilar bunyodkor futbolchilarini transfer qilip soqqa qilish bularni ishi shuna vaqta asl basharasi ochilip qoladi
Расулжон Тоштемиров
11/04/2020 18:23
Бунёткорга кушиб металлург епиш керак
SHAXBOZ BEKMURODOV
11/04/2020 18:13
UUU Vademjon juda qiynalib ketibsilarku, O‘ZB da, 4 farzandli oilaga 2,5 million yitadi degan qarorni eshitgansilarmi o‘yinchilaring bilan,senlarni shu kungacha JCH chiqish qo‘llaringdan kelmagan hoooop mayliyam,silar qaysidur turnerda g‘olib bo‘lsalaring bir amallab masalan utgan 23 yoshdagi Osiyo chempionatida usha chempionlar tarkibida bo‘lgan bollardan Bunyodkor o‘yinchilari ham yuq diyolmaymiz shu g‘alaba uchun o‘yinchilarga ancha muncha pul berilgandi bu hali hech narsa emas, shu paytgacha bollar qanchadan oylik olib kelayotgan ekanaaa qishloqdagi kupchil insonlar 800 ming daylik 1 million bilan hayot kechirayabti, yurtimizda qolaversa butun Dunyoda shunday tahlikali vaziyatda xalqimizga yordam berib O‘ZB xisob raqamiga pul utqazib, masalan Mirjalol Qosimov, Otabek SHukurov lardek yordam berish o‘rniga hech bo‘lmasa silar oddiy xalqdan kura taniqli odamsilar uzlaringni professional darajalaringdan foydalanib oddiy suzlar bilan xalqni xotirjamlikka chaqirib silarni fikirlaringa oddiy xalq qiziqadi, shu narsalar qo‘llaringdan kelmasa hech bo‘lmasa klub moliyaviy qiyinchilikka duch kelganda sabr qilib turmaysilarmi uzlaringni sharmanda qilib klubniyam oyoq osti qilib xalqqa jar solishni nima keragi bor, meni oldimga kelinglar juda non topolmay qolgan bo‘lsalaring uzim 1 million oyligimdan silarga beraman,ehh qruq boyvachchalar shunchalik ham pass ketasanlarmi. Kelinglar QASHQADARYOGA
&
12/04/2020 00:51
Nima bolgan taqdirda xam bowqalarni pulini xisoblamagan maqul, mexnatbqilib maydonda ter tokkani uchun oladi maoshni shartnoma bor xammasi kelishilgan, Vadim akani xam togri tushunish kerak, bilib bilmay xar xil narsa yozavermang
SHAXBOZ BEKMURODOV
12/04/2020 10:57
Bilib bilmay yozganim yuq hammasini o‘ylab kurib yozdim sizam yaxshilab o‘ylab kuring bunaqa vaziyat Italiyani qaysudur jamosida bo‘lgandi qaysiligi aniq yodimda yuq usha klub A seriya yakuniga yitishiga 5 tur qolganda klub bankrot deb elon qilingandi va kiyingi movsum qatnashmaydi diyilgandi usha vaxti ko‘ngilli klublar mavsumni yakunlab qo‘yish uchun ozroqdan pul yig‘ib bergandi shundan kiyin usha bankrot jamo kiyingi movsum qatnashmasligini bilib maosh olmasligini bilib qolgan 5 ta turni hammasini g‘alaba bilan yakunlagandi,o‘zimizdayam bunaqa vaziyat kup bo‘lib turadi masalan 2 3 yil oldin NASAF dayam shunday vaziyat bo‘lgandi hamma 8 oy maoshini olmay yurgan paytlari bo‘lgandi usha vaxtiyam NASAF g‘alabali yurushlarini davom ettirib kelgandi bunga kuuup misol keltirsa bo‘ladi hech qanday murabbiy o‘zini yirga urub non topolmayabmiz qiynalayabmiz deb qolgani yuq bu holat utkunchi,ustiga ustak yurtimizda juda katta harajatli vaziyat hukm surayotgan bir paytda shunday nomdor murabbiyni shu gaplari o‘rinlimi,uzingiz o‘ylab ko‘ring oddiy bir inson 3 oylab maosh olmay yurganini bilaman ushalar ulib qolgani yuq oilasini boqib yurubti,siz o‘ylaysizmi shu futbolchilar shu Abramov faqat Bunyodkordan keladigan maoshi har oyiga uchma uch yitadida agar klub oylik berolmay qolsa bu insonlar qiynalib qoladi deb,aslo bo‘lishi mumkun emas bu noshukurlarni tagida qo‘shshalab uy,mashena bor,albatta bu holat o‘tib ketadi murabbiyni bu gaplari obruyiga putr yetqazadi xolos, hozzir Bunyodkorni ahvoli jaa yomonmasku shunday mashxur murabbiy o‘zini bunchalik sharmanda qilmaslik kerak edida.
&
joxa joxa
12/04/2020 11:02
Abramov oylik olmay ishlashini balki siz bilmassiz, u shunda xam futbolchilar xaqida qayguryapti, togri xammasi xam qiynalib qolmas lekin orasida futbol orqali oila boqadiganlar xam bor