Vadim Abramov: "Superligada ishtirokchi jamoalar sonini oshirish haqida aytgandim...”

Superliga 21-turidan o‘rin olgan “Navbahor” – “Dinamo” (2:0) bahsidan so‘ng mehmonlar murabbiyi Vadim Abramov jamoasining o‘yinga tanlagan taktikasi, boshqa jamoalar bilan farqi va chempionlik poygasida kimning imkoniyati qanday ekani haqida fikr bildirdi.

“Ochig‘i, birinchi taymdagi gollardan keyin vaziyatni o‘zgartirish mumkin edi, deb ayta olmayman. Hozirgi salohiyatimiz bunga imkon bermaydi. “Dinamo” ikkita gol farqi bilan ortda qolayotib, vaziyatni o‘zgartira oladigan salohiyatga ega emas. Afsuski, vaziyat shunday.

Turnirda ishtirokchi jamoalar sonini oshirish haqida aytgan edim, boshqa mutaxassislar ham shunday fikrlayotgan edilar. Hozir ham shu fikrimda qolaman.

Chempionlik uchun yuqoridagi uchlikning hammasida imkoniyat teng. Kim kuchli bo‘lsa, o‘sha chempion bo‘ladi”, - dedi Abramov.

Manba: O‘zPFL matbuot xizmati.