Вальдано: "Реал" Чемпионлар лигасидаги қийин вазиятларда яхши ўйнайди"

Мадриднинг "Реал" клуби собиқ футболчиси, шунингдек клубда мураббий ва спорт директори сифатида ҳам фаолият юритган Хорхе Вальдано "Бавария"га қарши Чемпионлар лигаси жавоб ўйини олдидан ўз фикрларини билдирди.

Биринчи учрашувда "Сантьяго Бернабеу"да 2:1 ҳисобида ғалаба қозонган мюнхенликлар жуфтликнинг яққол фаворити сифатида кўрилмоқда. Бироқ Вальданонинг фикрича, ҳозирги вазиятда ҳам "қаймоқранглилар"да камбэк учун имконият мавжуд.

"Бавария"га қарши ўйинми? "Реал" Ла Лигада умидсиз вазиятда қолган — айнан шундай ҳолатларда жамоа Чемпионлар лигасида энг яхши ўйинларини кўрсатади", — деди Вальдано.

Ҳозирда Альваро Арбелоа бошқараётган жамоа Ла Лига жадвалида етакчи "Барселона"дан 9 очко ортда қолмоқда. "Бавария" – "Реал" ўйини чоршанба куни бўлиб ўтади.