"Валенсия" Черишевни сотиб оладиган бўлди

Россиялик ярим ҳимоячи Денис Черишев янги мавсумни яна "Валенсия"да бошлайди. Бу ҳақда Marca нашри хабар тарқатмоқда.

Юқоридаги манбаага қараганда “кўршапалаклар” 28 ёшли футболчининг трансфери масаласида “Вильяррел” билан келишувга эришишган. Унга кўра “Валенсия” Черишевни 5 млн евро эвазига “сариқ сув ости кемаси”дан сотиб олади.

Эслатиб ўтамиз, Черишев ўтган мавсумни “Валенсия”да ижара асосида ўтказган эди. У жами 41та ўйинда майдонга тушиб, ўз ҳисобига 4та гол ҳамда 5та голли узатма ёздириб қўйишга эришди.