Валентина Шевченко нима учун камардан осонликча воз кечди?

Таниқли UFC жангчиси Валентина Шевченконинг мураббийи Павел Федотов Қирғизистон вакиласи нега чемпионлик камарини бўшатганини тушунтириб берди.

"Биз 3 октябрь куни Наталья Силва билан жанг қилишимиз керак эди, аммо елка ва орқа пайлардаги жароҳат туфайли ушбу баҳсни қолдиришга мажбур бўлдик. Шунингдек, тикланиш узоқ вақт талаб этишини ҳисобга олиб, биз камарни вақтинча бўшатганимиз ҳам маъқул. Ҳаммаси изига қайтгач Валентина титул учун яна жанг қилади", - дея мутахассиснинг сўзларини келтирди "MMA Mania" нашри.

Маълумот учун, вакант унвон учун 3 октябрь "UFC 332" турнирида бразилиялик Наталья Силва ва хитойлик Ван Конг ўзаро октагонга кўтарилади.