Валентина Шевченко: "Учинчи жанг Қирғизистонда ўтказилса адолатли бўлади"

Собиқ UFC чемпиони Валентина Шевченко (23-4-1) Алекса Грассо (16-3-1) билан учинчи жанги ҳақида гапирди.

“Мустақиллик кунида навбатдаги жангни Қирғизистонда ўтказиш адолатли ва тўғри бўларди. Кейин мувозанат бўлади, шундай эмасми? Ватанимнинг Мустақиллик кунида жанг қилиш жуда адолатли бўларди.

Қирғизистон халқи ва ҳукумати бу жанг бўлиши учун барча имкониятларни ишга солишга тайёр, деб ҳисоблайман. Ўйлайманки, UFC  хоҳласа, бундай учрашув ташкил этилиши мумкин”, - деди спортчи.

Эслатиб ўтамиз, куни кеча улар ўртасидаги 2-жанг дуранг билан якунланган эди ва айнан ушбу жанг Грассонинг ватани Мексика мустақиллиги куни ўтказилган.